ଆଖି ଦେଖାଇଲେ ଡ୍ରାଇଭର୍: ଆମ ବସ୍ ସେବା ବି ବନ୍ଦ!
ଭୁବନେଶ୍ୱର, ୯ ।୭: କେନ୍ଦ୍ରୀୟ ଟ୍ରେଡ ୟୁନିୟନ ଓ ଅନୁବନ୍ଧିତ ସଂଗଠନମାନଙ୍କ ଦ୍ୱାରା ଡକାଯାଇଥିବା ଦେଶବ୍ୟାପୀ ବନ୍ଦ ପାଇଁ ଆଜି ଭୁବନେଶ୍ୱରରେ ବସ ସେବା ସମ୍ପୂର୍ଣ୍ଣ ଭାବେ ଠପ୍ ହୋଇଯାଇଛି। ଏହି ବନ୍ଦ କେନ୍ଦ୍ର ସରକାରଙ୍କ ଶ୍ରମିକ ବିରୋଧୀ, କୃଷକ ବିରୋଧୀ ଓ କର୍ପୋରେଟ ଅନୁକୂଳ ନୀତିକୁ ବିରୋଧ କରି ଆହୱାନ ଦିଆଯାଇଛି। ଏହାର ପ୍ରଭାବ ରାଜଧାନୀ ଭୁବନେଶ୍ୱରରେ ସ୍ପଷ୍ଟ ଦେଖାଦେଇଛି, ଯେଉଁଠାରେ ସରକାରୀ ଓ ଘରୋଇ ବସ ସେବା ପ୍ରାୟତଃ ବନ୍ଦ ରହିଛି।
ସକାଳୁ ବସ ଷ୍ଟାଣ୍ଡଗୁ ଯାତ୍ରୀମାନେ ଅପେକ୍ଷା କରୁଥିବା ଦେଖାଯାଇଥିଲେ ହେଁ, ଅଧିକାଂଶ ବସ ଚଳାଚଳ ନ କରିବାରୁ ଲୋକମାନେ ଅସୁବିଧାର ସମ୍ମୁଖୀନ ହେଉଛନ୍ତି। ବିଶେଷ କରି ଛାତ୍ରଛାତ୍ରୀ, କର୍ମଜୀବୀ ଓ ଅନ୍ୟାନ୍ୟ ଯାତ୍ରୀମାନେ ଏହି ବନ୍ଦ ଯୋଗୁଁ ନିଜ ଗନ୍ତବ୍ୟ ସ୍ଥାନକୁ ଯିବାରେ ଅକ୍ଷମ ହେଉଛନ୍ତି। ଜଣେ ପରୀକ୍ଷାର୍ଥୀ କହିଛନ୍ତି, ଆଜି ମୋର ପରୀକ୍ଷା ଥିଲା, କିନ୍ତୁ ବସ ବନ୍ଦ ଥିବାରୁ ମୁଁ ପରୀକ୍ଷା କେନ୍ଦ୍ରକୁ ଯାଇ ପାରିଲି ନାହିଁ।
ଓଡ଼ିଶା ରାଜ୍ୟ ପରିବହନ ନିଗମ (OSRTC) ଓ ଘରୋଇ ବସ ଅପରେଟରମାନେ ବନ୍ଦକୁ ସମର୍ଥନ କରିଥିବାରୁ ଅଧିକାଂଶ ରୁଟରେ ବସ ଚଳାଚଳ ବାଧାପ୍ରାପ୍ତ ହୋଇଛି। କେତେକ ସ୍ଥାନରେ ଅଳ୍ପ ସଂଖ୍ୟକ ବସ ଚାଲୁଥିଲେ ମଧ୍ୟ, ସେଗୁ ଅପର୍ଯ୍ୟାପ୍ତ ଥିବାରୁ ଯାତ୍ରୀମାନଙ୍କ ଚାହିଦା ପୂରଣ ହୋଇପାରୁ ନାହିଁ। ଏହା ସହିତ ଅଟୋ ଓ କ୍ୟାବ ସେବା ମଧ୍ୟ କିଛି ଅଞ୍ଚଳରେ ପ୍ରଭାବିତ ହୋଇଛି, ଯାହା ଯାତ୍ରୀମାନଙ୍କ ଅସୁବିଧାକୁ ଆହୁରି ବଢାଇଛି।
ବନ୍ଦ ସମୟରେ କିଛି ସ୍ଥାନରେ ବିକ୍ଷୋଭ ଓ ରାସ୍ତାରୋକ ମଧ୍ୟ ଦେଖାଯାଇଛି, ଯାହା ପରିବହନ ବ୍ୟବସ୍ଥାକୁ ଆହୁରି ଜଟିଳ କରିଛି। ସ୍ଥାନୀୟ ପ୍ରଶାସନ ପରିସ୍ଥିତି ନିୟନ୍ତ୍ରଣରେ ରଖିବା ପାଇଁ ପୋଲିସ ମୁତୟନ କରିଛି, କିନ୍ତୁ ସାଧାରଣ ଜନଜୀବନ ଉପରେ ଏହାର ପ୍ରଭାବ ଅନୁଭୂତ ହେଉଛି।
ସ୍ଥାନୀୟ ବାସିନ୍ଦା ଓ ଯାତ୍ରୀମାନେ ଏହି ବନ୍ଦ ଯୋଗୁଁ ଦୈନନ୍ଦିନ କାର୍ଯ୍ୟରେ ଅସୁବିଧାର ସମ୍ମୁଖୀନ ହେଉଥିବା ବେଳେ, ସରକାର ଓ ବନ୍ଦ ଆହୱାନକାରୀଙ୍କ ମଧ୍ୟରେ ଆଲୋଚନା ଜାରି ରହିଛି। ଆଗାମୀ କିଛି ଘଣ୍ଟା ମଧ୍ୟରେ ପରିସ୍ଥିତି ସୱାଭାବିକ ହେବା ନେଇ ଆଶା କରାଯାଉଛି, କିନ୍ତୁ ତା’ ପୂର୍ବରୁ ଯାତ୍ରୀମାନଙ୍କୁ ବିକଳ୍ପ ବ୍ୟବସ୍ଥା ଉପରେ ର୍ନିଭର କରିବାକୁ ପଡିବ। ଏହି ବନ୍ଦର ପ୍ରଭାବ କେବଳ ଭୁବନେଶ୍ୱର ନୁହେଁ, ସମଗ୍ର ଓଡ଼ିଶାରେ ଦେଖାଯାଇଛି।source:dharitri.com