TV actress lives in caves: ପ୍ରସିଦ୍ଧ ଟିଭି ଅଭିନେତ୍ରୀ ସ୍ୱାମୀଙ୍କୁ ଛାଡ଼ି ଗୁମ୍ଫାରେ ରହୁଛନ୍ତି

ମୁମ୍ବାଇ: ଭାରତୀୟ ଟେଲିଭିଜନର ଜଣେ ପରିଚିତ ଚେହେରା ନୁପୁର ଅଳଙ୍କାର ଏକ ଆଧ୍ୟାତ୍ମିକ ପଥ ଗ୍ରହଣ କରିଛନ୍ତି। ସେ ତାଙ୍କର ଅଭିନୟ କ୍ୟାରିଅର, ବିବାହ ଏବଂ ସାଂସାରିକ ଜୀବନକୁ ପଛରେ ପକାଇ ଦେଇଛନ୍ତି। ବର୍ତ୍ତମାନ ହିମାଳୟରେ ପିତମ୍ବ୍ରା ମା’ ଭାବରେ ଗୁମ୍ଫାରେ ବାସ କରୁଛନ୍ତି। ସେ ଦାନ ଏବଂ ଧ୍ୟାନରେ ବଞ୍ଚି ରହିଛନ୍ତି। ଏହି ପରିବର୍ତ୍ତନ ବ୍ୟକ୍ତିଗତ ଦୁଃଖ ଏବଂ ଆର୍ଥିକ ବିପର୍ଯ୍ୟୟ ପରେ ତାଙ୍କ ଜୀବନରେ ଆସିଛି। 

ବହୁ ବର୍ଷ ଧରି, ନୁପୁର ଅଳଙ୍କାର ଭାରତୀୟ ଟେଲିଭିଜନରେ ଏକ ପରିଚିତ ଚେହେରା ଥିଲେ। ସେ ୧୫୦ ରୁ ଅଧିକ ହିଟ୍ ସିରିଏଲରେ ଅଭିନୟ କରିଥିଲେ ଏବଂ ତାଙ୍କର ନିଖୁଣ ଅଭିନୟ ମାଧ୍ୟମରେ ଘରେ ଘରେ ପରିଚିତ ହୋଇଥିଲେ। କିନ୍ତୁ ତାଙ୍କ ପରଦା ଜୀବନ ଗ୍ଲାମରରେ ପରିପୂର୍ଣ୍ଣ ଥିଲେ ମଧ୍ୟ ବାସ୍ତବ ଜୀବନର କାହାଣୀ ଏକ ସମ୍ପୂର୍ଣ୍ଣ ଭିନ୍ନ ମୋଡ଼ ନେଇଥିଲା।

ଖବର ଶିରୋନାମାରେ ରହୁଥିବା ଏହି ଅଭିନେତ୍ରୀ, ତାଙ୍କ ଅଭିନୟ କ୍ୟାରିଅର, ଭୌତିକ ସୁଖ ସୁବିଧା ଏବଂ ତାଙ୍କ ବିବାହକୁ  ତ୍ୟାଗ କରି ଏକ ଆଧ୍ୟାତ୍ମିକ ପଥ ଅନୁସରଣ କରିଥିଲେ। ଆଜି, ସେ ହିମାଳୟରେ ଏକ ସାଧାରଣ ଜୀବନଯାପନ କରୁଛନ୍ତି। ଅନ୍ୟର ଦାନରେ ତାଙ୍କର ଜୀବନ ବିତୁଛି। ଏହା ସହିତ ସେ ଧ୍ୟାନରେ ସମୟ ବିତାଉଛନ୍ତି।।

ଟିଭି ଷ୍ଟାରଡମ୍ ତ୍ୟାଗ୍ ପର୍ଯ୍ୟନ୍ତ ନୁପୁର ଅଳଙ୍କାର ତାଙ୍କ ଦୁଇ ଦଶନ୍ଧିରୁ ଅଧିକ ସମୟ ଧରି କ୍ୟାରିଅରରେ ୧୫୫ ରୁ ଅଧିକ ଟେଲିଭିଜନ ଧାରାବାହିକରେ କାମ କରିଥିଲେ। ସେ ଶକ୍ତିମାନ , ଘର କି ଲକ୍ଷ୍ମୀ ବେଟିୟାଁ, ଆଗଲେ ଜନମ୍ ମୋହେ ବିଟିଆ ହି କିଜୋ, ରେଥ୍ ଏବଂ ଦିୟା ଔର ବାତି ହମ୍ ଭଳି ଶୋ’ରେ ସ୍ମରଣୀୟ ଭୂମିକାରେ ଅଭିନୟ କରିଥିଲେ। ‌ସେ ନିଜର ବହୁମୁଖୀ ଅଭିନୟ ପାଇଁ ଜଣାଶୁଣା ଥିଲେ। ସେ ଟିଭି ଶିଳ୍ପରେ ଜଣେ ସମ୍ମାନିତ ବ୍ୟକ୍ତିତ୍ୱ ହୋଇଯାଇଥିଲେ ଏବଂ ନିୟମିତ ଭାବରେ ପାରିବାରିକ ନାଟକ ଏବଂ ଡେଲି ସୋପ୍‌ଗୁଡ଼ିକରେ ତାଙ୍କୁ ଦେଖିବାକୁ ମିଳୁଥିଲା। source:sambad.in