ଧୋନୀଙ୍କ IPL ସନ୍ନ୍ୟାସ ଉପରେ ସଚିନଙ୍କ ରିଆକ୍ସନ, କହିଲେ- ‘ତାଙ୍କ ପାଓ୍ବର ହିଟିଂରେ …’

ଖେଳ

ମୁମ୍ବାଇ,୧୮/୧୧ : ଏମଏସ ଧୋନିଙ୍କ ଆଇପିଏଲ ଅବସର କ୍ରିକେଟ ଜଗତର ବିଭିନ୍ନ କୋଣରୁ ପ୍ରତିକ୍ରିୟା ଆସୁଛି । ପଡ଼ିଆରେ ଏକ ପାରମ୍ପରିକ ଶତ୍ରୁ ପାକିସ୍ତାନ ମଧ୍ୟ ଏହି ତାଲିକାରେ ସାମିଲ ରହିଛି । ଅନେକ ପାକିସ୍ତାନୀ ଖେଳାଳି ଧୋନିଙ୍କ ଅବସର ପାଇଁ ଶୁଭେଚ୍ଛା ଜଣାଇଥିଲେ। ଏବେ ପୂର୍ବତନ ଭାରତୀୟ ବ୍ୟାଟର ଏବଂ କ୍ରିକେଟର ଭଗବାନ ଭାବରେ ଜଣାଶୁଣା ସଚିନ ତେନ୍ଦୁଲକର ଧୋନିଙ୍କ ଅବସର ଉପରେ ପ୍ରତିକ୍ରିୟା ଦେଇଛନ୍ତି। ସଚିନ ଧୋନିଙ୍କ ପାୱାର ହିଟିଂ ବିଷୟରେ କହିଛନ୍ତି।

ଗତ ମଙ୍ଗଳବାର ଚେନ୍ନାଇ ସୁପର କିଙ୍ଗ୍ସ ଆନୁଷ୍ଠାନିକ ଭାବରେ ଘୋଷଣା କରିଥିଲା ଯେ ଧୋନି ଆଉ ଆଇପିଏଲରେ ଖେଳିବେ ନାହିଁ। ସେ ଆଗାମୀ ସିଜିନ୍ (ଆଇପିଏଲ ୨୦୨୭)ରେ ସିଏସକେ ପାଇଁ ଜଣେ ପରାମର୍ଶଦାତା ଭାବରେ କାର୍ଯ୍ୟ କରିବେ। ଏହା ପ୍ରକୃତରେ ଫ୍ୟାନ୍ସଙ୍କ ପାଇଁ ବହୁତ ଦୁଃଖଦ ଖବରଥିଲା ଯେ ସେମାନେ ଆଉ କେବେ ମାହିଙ୍କୁ ପଡ଼ିଆରେ ଖେଳିବାର ଦେଖିବେ ନାହିଁ। ସଚିନ ତେନ୍ଦୁଲକର ଲେଖିଛନ୍ତି, ‘ମୋତେ ଆଜି ବି ବି ମନେ ଅଛି ଯେତେବେଳେ ମୁଁ ବାଂଲାଦେଶରେ ଏମଏସଙ୍କୁ ବ୍ୟାଟିଂ ଦେଖିଥିଲି, ମୁଁ ସୌରଭଙ୍କୁ କହିଥିଲି ଯେ ତାଙ୍କ ପାୱାର ହିଟିଂରେ କିଛି ବିଶେଷତା ଅଛି। ଏହା ସ୍ପଷ୍ଟ ଥିଲା ଯେ, ସେ ଜଣେ ଚମତ୍କାର ପ୍ରତିଭା ଥିଲେ, ଏବଂ ତାଙ୍କର ଯାତ୍ରା କେତେ ସୁନ୍ଦର ଥିଲା!‘

ଭେଟରାନ ସଚିନ ଆହୁରି ଲେଖିଛନ୍ତି, ‘ଆପଣଙ୍କ ସହିତ ଡ୍ରେସିଂ ରୁମ୍ ସେୟାର କରିବା ଏବଂ ଭାରତୀୟ କ୍ରିକେଟରେ ଆମର କିଛି ସ୍ମରଣୀୟ ମୁହୂର୍ତ୍ତର ଅଂଶ ହେବା ପ୍ରକୃତରେ ଏକ ଆନନ୍ଦର କଥା । ମୁଁ ସବୁବେଳେ ବିଶ୍ୱାସ କରୁଥିଲି ଯେ, ଆପଣ କିଛି ସ୍ୱତନ୍ତ୍ର କରିବେ ଏବଂ ଆପଣ ମୋର ଆଶାଠାରୁ ଅଧିକ ହାସଲ କରିଛନ୍ତି । ଆପଣ ଭାରତୀୟ କ୍ରିକେଟକୁ ତୁମର ସର୍ବୋତ୍ତମ ଦେଇଛ ଏବଂ ଆପଣଙ୍କ ସହ ଏହି ଯାତ୍ରା ସେୟାର କରିବା ବହୁତ ଭଲ ଥିଲା। ଭଲ ଖେଳିଲ, ଏମଏସ!’

source:prameya news


Related News